Изложба “Праисториските дами од Македонија“

Во Македонија се откриени многу неолитски и енеолитски населби кои датирата од шестиот милениум. Во нив се дефинираат куќи кои биле опремени со огништа, глинени печки, керамички садови за храна, коскени, камени алатки, прибор за домаќинство. Одаите биле поделени со парапетни ѕидчиња. Секојдневието на предците било исполнето со богат духовен живот. Најбројни се теракотите со претстава на жена. Фигурините се моделирани и со нагласени женски атрибути. Жената е претставена како заштитник на куќата, на домот. На фигурните има накит, гердани, белегзии, обетки и друго.