Изложени делата од кавадаречките ликовни уметници
Во Центарот за култура „Трајко Прокопиев“ синоќа беше отворена годишната изложба на дела од ликовните уметници од Кавадарци.
Посетителите имаа можност да разгледаат дваесетина дела работени во различни техники.
„Презентирани се различни дела, работени претежно во техниката масло на платно, но може да се види и работа со материјали, со стакло, графика цртежи, акварел и две скулптури. Оваа изложба е доста богата и разновидна“ - кажа Роберт Цветковски, стручен соработник во Центарот за култура „Трајко Прокопиев“.
Друштвото на ликовни уметници Кавадарци постои 4 децении и е една од најстарите ликовни асоцијации во Македонија. Брои 40 члена, познати во земјава и странство.
„На оваа изложба учествуваат различни генерации уметници, дел од основачите на друштвото до најмладите уметници. Годинешнава изложба е посветена на еден од основачите и долгогодишен претседател на друштвото Ристо Соколов Сокол,„-вели Марјан Тодоровски, секретар на Друштвото на ликовни уметници Кавадарци.
Изложбата ќе трае до 4 февруари годинава.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
