Изложено оружје од османлискиот период до Втората светска војна

Поставени се педесетина парчиња оружје, а автор на изложбата е Марија Живачки, кустос историчар  во Музеј Куманово. Оваа изложба се реализира во соработка со Музеј на Македонија и Воениот музеј на Македонија. На самата изложба презентирани беа и карти кои ги прикажуваат востанијата во Македонија.

Посетителите имаат можност да видат оружје од 17 век, јатагани, сабја од 19 век, пушки на кремен,„каранфилка„,„шишана„ од 17 век, кобурите од 18 и 19 век, оружје користено во Илинденскиот период, револвери, пушки и пиштоли користени во текот на Балканските војни, Првата, Втората светска војна - рече Живачки.

Изложеното оружје и други експонати сведочат за историјата на македонскиот народ.

Оружјето не треба да се разбере дека служи само за воени цели, туку има статусен симбол и од особено значење е за идентитетот на секој народ, така и на македонскиот народ - изјави Даниела Николова,  промотор на изложбата.

Изложбата се реализира со поддршка од Министерството за култура.