“Киро Бурназ“ доби козметички кабинет

Овој модерен кабинет ќе им користи на учениците и на возрасните кои посетуваат обуки за доквалификација.

Со залагање на амбасадата и на германската амбасадорка и на целиот тим околу неа ние добивме нешто што изгледа вака убаво. Нас ни е многу важно за изведување на практична настава за козметичари и фризери и обука на возрасни бидејќи овде во нашето училиште и лани, и во иднина се надеваме ќе имаме обука на возрасни, пред се жени - вели Весна Трајковска, директорка на “Киро Бурназ“.

Германската амбасадорка Гудрун Штајнакер рече дека нивната идеја е да помогнат на младите жени и на повозрасните кои сакаат да се занимаваат со козметика. Таа се заблагодари на ажурноста и професионалноста на Општина Куманово бидејќи тие лани аплицирале со проект за опремување на работилницата.

 Се надевам дека ќе имаме уште многу проекти со германската амбасада. Сметам дека ова е голема поткрепа за Куманово и за Македонија - рече градоначалникот Зоран Дамјановски.

Преку малите проекти германската амбасада реализира техничка соработка со Македонија. За 15 години во земјава се направени над 80 мали проекти.