Ќе се работи студија за формирање на јавно претпријатие за производство на струја, предлог на Левица

„Со формирање ЈП за производство и трговија на електрична енергија се отвора можност општината да остварува приходи од овие дејности, со што за краток период ќе го амортизира финансискиот удар од високата цена на струјата, а на долг план, со добро менаџирање на ЈП, да се остварува финансиска добивка која би ја инвестирала во подобрување на условите на жителите на општина Куманово“, соопштуваат од Левица.

 Од партијата додаваат дека прва обврска на новото јавно претпријатие е да изгради фотоволтаични централи на сите поволни локации во општина Куманово, во втората фаза би инвестирало во производствени капацитети за електрична енергија на поволни локации надвор од границите на општината и во последната фаза на развој ЈП самостојно би вршело снабдување со електрична енергија на Општината и нејзините институции, како и други потрошувачи.

Усвојување на иницијативата  е најефикасно и најефективно решение за справување со енергетска криза, сметаат од Левица.