Зачленете се во нашиот клуб на читатели и најновите текстови ќе ги добивате на вашата мејл адреса
Со берење на бадникови гранчиња во атарот на селото Колитско официјално започнаа подготвките за Бадник на Здружението „Коледари“ од Куманово.
Ова е јубилејна 25 година како се организира прослава на празникот на платото пред Центарот за култура.
Организаторите чекуваат голем одѕив од сограѓаните и годинава, а на подготовките сериозно се пристапува, како што приличи на еден јубилеј.
„Ангажиравме зурли и тапани, музичари кои настапуваат на Галичка свадба. Сакавме со изворни, традиционални инструменти да го прославиме Бадник, но секогаш тука се присутни и нашите пријатели, изведувачи и групи од градот. Тогаш и ќе се поделат осветените бадникови гранчиња, а очекуваме се да помине во најдобра ред и пријатна и пријателска атмосфера како и секогаш до сега“, истакна Мирослав Доневски, претседател на здружението.
Програмата предвидува собирање на поворката на 6 јануари во Касапски круг околу 10.30 часот, по што еден час подоцна, во 11.30 ќе се посети Соборниот храм „Свети Никола“. По завршување на црковните обреди забавата започнува на платото пред Центарот за култура на која се поканети сите заинтересирани граѓани и гости.
За овогодишен кум на прославата е изберен Драган Трајковски, сопственик на ТА Импала.
Зачленете се во нашиот клуб на читатели и најновите текстови ќе ги добивате на вашата мејл адреса
