Конкурс за избор на директор на Центарот за култура

Кандидатот, покрај општите и посебни услови кои се наведени во конкурсот, треба да достави своја Програма за работа и за развој на установата, како стратегија за наредниот четиригодишен период (2015-2019), во согласност со Законот за културата.  Конкурсот трае осум дена од објавувањето.

Министерството за култура, согласно член 31-а од Законот за културата, со избраниот директор на националната установа по овој јавен оглас, ќе склучи менаџерски договор со кој ќе се регулираат правата и обврските на Министерството за култура и директорот.

Конкурсот е објавен по загинувањето на досегашниот директор Роберт Павлевски, кој чекаше реизбор на функцијата. Неофицијално, на Комитската вечер на која присуствуваше и министерката Елизабета Канчевска Милевска, на Павлевски му соопштила дека му го потпишала решението за третиот четворогодишен мандат да ја води установата.