Кумановци фатени со марихуана кај Никуштак

Околу 20 октомври И.М.(29) со Д.П.(21) се договориле со Р.М.(19) да купат дрога од Сингелиќ, по што му се јавиле на Т.И.(31) за да ги превезе до населбата Ченто. Кога стигнале на паркинг плацот на маркет во Скопје, пристигнало непознато лице со автомобил со кое И.М. и Р.М. разговарале, по што Р.М. заминал со него, а другите останале да чекаат. По 15 минути Р.М. се вратил со најлонска ќеска, која му ја дал на И.М. На патот Куманово- Арачиново кај село Никуштак додека се движеле со автомобил “Шкода Фабија“  со кумановски таблички ги запрела полиција, по што И.М. ја фрлил ќесата од возилото, а тоа го забележале полицајците.

Пријавените се приведени во СВР Куманово, по што во нивните домови се извршени претреси и кај Д.П. е најдена дробилка со непозната растителна материја. Со вештачење е утврдено дека се работи за 506.2 грама марихуана.

Против И.М. , Д.П. и Т.И. се поднесени кривични пријави поради постоење основи на сомнение за сторено кривично дело неовластено производство и пуштање во промет на наркотични дроги, психотропни супстанции и прекурсори, а Р.М. за помагање.