Кумановци вечерва репризно ќе ја погледнат „Идиоти“

Оваа комедија премиерно беше прикажана на фестивалот “Денови на комедија Куманово 2015“. “Идиоти“ е работена според едночинките на Муза Павлова, а во режија на Мирослав  Петковиќ. Актерската екипа ја сочинуваат : Александра Михајловска, Мартин Лазаревски, Владо Дојчиноски и Марко Трајковиќ. Режисерот Петковиќ рече дека претставата ја подготвиле за дваесетина дена.

Со напорна работа и дупли проби успеавме да извадиме некаков резултат. Мислиме дека публиката е задоволна, имавме вчера прва реприза, вечерва е втората реприза. Ги покануваме сите кои не ја погледнале да дојдат и да ја погледнат. За вечерва претставата е распродадена. Следните репризи се на 2 и 3 ноември - изјави Петковиќ.

Тој вели дека комедијата зборува за бирократијата и лошите човекови навики.

Уживавме додека работевме, имаше многу убава атмосфера. Мислам дека тоа е многу важно за да имаш добар процес на крај - вели актерката Александра Михајловска.

Актерот Марко Трајковиќ рече дека посветено работеле на подготовка на “Идиоти“, а од театарот ги упатија граѓаните на нивниот фејсбук профил да се информираат за претставите кои се на репертоарот.