Зачленете се во нашиот клуб на читатели и најновите текстови ќе ги добивате на вашата мејл адреса
Здружението „Анима Мунди“ потпиша Меморандум за соработка со општина Куманово, за спроведување на проект во доменот на комуналната зоохигиена, урбаната хигиена, колективната здравствена заштита на луѓето и животните, како и подобрување на позитивниот имиџ на местото на живеење.
Информираме дека како општина партнер, Куманово ќе биде дел од големиот едукативен караван „Правиме денес, за подобро утре - за луѓето, природата и животните!„. Прокетот содржи едукативна трибина и голема акција за вдомување на миленици како хумана алтернатива, наместо купување. Истовремено за прв пат во градот ќе се постават одреден број информативни табли и канти за измет од миленици-се вели соопштение на здружението.
Преку овие активности веруваме дека ќе придонесеме за зголемување на квалитетот на живеење во општината, како и дека ќе ги поттикнеме граѓаните да станат свесни за важноста од одговорност при своите постапки и бидат хумани кон животните.
Проектот “Јакнење на капацитетите на органите на ЕЛС и оптимизирање на јавните услуги - преку иновативност во механизмите на комуникација, до подобро владеење”, се имплементира во рамки на програмата Цивика Мобилитас, овозможен од страна на Центарот за институционален развој ЦИР-а, финансиран од Швајцарската агенција за развој и соработка.
Зачленете се во нашиот клуб на читатели и најновите текстови ќе ги добивате на вашата мејл адреса
