Куманово ќе добие студии по информатика и геодезија

 Претставници од министерството за образование биле во работна посета на Општината за да разаговараат за оваа новина, но сеуште не е дефинирано каде ќе се изведува настава. Една од можните варијанти е новиот факултет да биде во просториите на Пионерски дом кој е во сопственост на Владата.

Младите нема да мора да трошат пари да патуваат до Скопје. Родителите ќе бидат задоволни бидејќи тие пари кои се слевале за патни трошоци ќе им останат. Куманово тоа го заслужува - изјави Бобан Николовски, координатор на советничката група на ВМРО - ДПМНЕ.

Градоначалникот Зоран Дамјановски вели дека ја поддржуваат идејата за дисперзирани студии, но смета дека пренамената на Пионерскиот дом во факултет ќе створи револт кај граѓаните кои вложиле за негова изградба, и затоа треба да си ја задржи досегашната функција за вон наставни активност на учениците.