Зачленете се во нашиот клуб на читатели и најновите текстови ќе ги добивате на вашата мејл адреса
ЈП „Куманово-гас“ ја проширува гасоводната мрежа на улицата „Васко Карангелевски“ во должина од 800 метри. Околу 200 домаќинства коишто се ноаѓаат во овој дел на градот ќе имаат можност во новота грејна сезона да користат гас.
Од претпријатието ги повикуваат граѓаните коишто се заинтересирани да пријават заради изградба на приклучок.
„Апелираме до сите заинтересирани граѓани кои сакаат да ги користат придобивките од овој природен енергенс да дојдат во просториите на ЈП „Куманово - Гас“ Куманово, за да добијат сите потребни информации за постапката за приклучување на дистрибутивната гасоводна мрежа“, изјави директорот Никола Денковски.
Вкупниот износ на приклучок на гас за домаќинствата изнесува 800 евра, а Општина Куманово субвенционира 10.000 денари. На граѓаните им останува да платат 637 евра.
Од претпријатието ги информираат и граѓаните кои живеат на останатите улици во градот, кои се опфатени со дистрибутивна гасоводна мрежа, можат да се приклучат на истата. Тоа се булеварот „Октомвриска револуција“ од левата страна (Водовод до „Нико Бои и лакови“) и десна страна (Од малото пазарче до градинка „Развигорче“), Трета МУБ од (Од Митев мост до Рамстор), ул. „Б.Б. Гуцман“, ул. „Егејска Македонија“, ул. „Иго Тричковиќ“, ул. „Кирил и Методиј“, ул. „Љупчо Арсов“, ул. „Среќко Пужаљка“, ул. „Професор Мијалковиќ“, ул. „Треска“, ул. „Братство и Единство“, ул. „Пионерска“, ул. „Париска Комуна“, ул. „Димитар Влахов“, ул. „29 Ноември“, ул. „Питу Гули“, ул. „Пере Тошев“, ул. „Карл Маркс“, ул. „Владимир Назор“, ул. „Вардарска“, ул. крак од улица „Иво Лола Рибар“, ул. „Ленинова“ (позади скопски дуќани) и улица „Васко Карангелевски“.
Досега „Куманово-гас“ има изградено 18 километри гасоводна мрежа и има над 250 приклучоци.
(Ф.Марковска)