Кумановската болница доби современа опрема и помагала од хуманитарна организација од Франција

Донацијата содржи хидраулични болнички кревети, инвалидски колички, помагала за лица со попреченост и друга медицинска опрема.

Донацијата ја прими директорот Сашо Стошевски, кој им се заблагодари на донаторите и истакна дека опремата ќе најде широка примена кај пациентите.

„Помошта содржи 74 парчиња. Помошта е од големо значење за болницата“, кажа Стошевски.

Тој додаде дека пред извесен период добиле 4 инкубатори за бебиња, а во наредниот период се очекува голема донација од Владата во вредност од 1.8 милиони евра.

(Фото. Тв Плус)