Зачленете се во нашиот клуб на читатели и најновите текстови ќе ги добивате на вашата мејл адреса
По најавите дека Владата ќе одобри 400 нови вработувања во здравствениот сектор кои ќе се реализираат во наредните четири месеци, од болницата во Куманово велат дека имаат потреба од специјалисти, медицински сестри и болничари.
Се надеваме на десетина вработувања. Ние се обративме до Министерството за здравство и кажавме каква ни е состојбата. Оваа одлука се однесува на цела Македонија и тие ќе гледаат да ги задоволат апетитите на сите установи. Уште ништо официјално не знаеме - вели Ариф Латифи, директор на кумановската болница.
Тој појаснува дека кадар им е потребен и реално тие имаат потреба од 20 нови лекари. Од Министерството за здравство беше соопштено дека 60% од новите вработувања ќе бидат за лекари, а останатите 40% за медицински сестри.
Првично се планираше да се одобрат 200 вработувања, но сепак во здравствените установи ќе има 400 нови работни места.
Зачленете се во нашиот клуб на читатели и најновите текстови ќе ги добивате на вашата мејл адреса
