Кумановски извидници учествуваа на Европскиот извиднички симпозиум

На Европскиот извиднички симпозиум присуствуваа извиднички делегации од 34 различни европски земји со над 100 учесници. Целта на симпозиумот е да се подготви план и насоки за европскиот извиднички регион за наредните три години. Присутните беа поздравени од Фатмир Бесими, вицепремиерот за европски прашања, Андреа Демармелс, преставник на европскиот извиднички регион и Огнен Стефановски, стрешината на СИМ - велат од „Скаут“.

Од „Скаут“ велат дека во наредниот период ќе бидат поактивни, и ќе се трудат да привлечат што повеќе членови. Извидниците се организација која е распространета во сите држави и градови во светот, а мото на извидниците е да ја истражуваат и чуваат природата.