Кумановскиот театар подготвува нова претстава

Премиерата на оваа претстава е закажана за 27 ноември. Се работи за адаптација на едно дело од Брехт и во претставата играат осум ликови. Улогите ги толкуваат : Кети Дончевска Илиќ, Горан Илиќ, Роберт Ристов,  Владо Дојчиновски, Марко Трајковиќ, Марко Богдановски, Сања Русевска и Јасмина Василева.

“Тема е војната, сиромаштијата, меѓутоа приказната е преку еден лик на мајка, која е храбра, која ги губи синовите. Значи станува збор за една трагична приказна. Сепак жанровски се работи за една траги - комедија. Има интересна актерска екипа со која ми е задоволство да соработувам. Сега сме веќе во процес на работа, излезени сме на сцена. Една ваква адаптација бара доста време, да се анализираат ликовите. Тоа е една мотивација за мене да го работам овој проект, како врие светот и такви работи се случуваат недалеку од нас“ - вели Ангеловска.

Ова е прва претстава која годинава ќе биде реализирана во театарот Куманово со поддршка на Министертвото за култура.

 “Премиерата требаше да биде во првата половина на оваа година, меѓутоа од оправдани причини е пренасочена во втората половина. Претставата ќе биде прикажана на фестивалот Војдан Чернодрински во Прилеп“ - вели Симона Тоскиќ, продуцент во театар.

Во декември во кумановскиот театар се очекува и  премиера на претставата “Грдиот“.