Кумановските пчелари донираа мед и прополис на здравствените работници и заболените од коронавирус

- Идејата беше иницирана од наши колеги и веднаш наиде на широка поддршка кај сите членови. За само неколку дена ги собравме планираните количини на мед, за што посебно сме горди. Во оваа тешка борба со коронавирусот најпогодени се медицинските лица и пациентите, а познати се лековитите својства на пчелините производи во лекувањето на многу болести и зајакнување на организмот, - изјави Бобан Стошевски, член на Здружението на пчелари „Пчела“.

Кумановските пчелари најавуваат дека и во иднина ќе продолжат со слични акции на своите сограѓани. Донацијата е организирана преку Општинскиот штаб за заштита и спасување.