Зачленете се во нашиот клуб на читатели и најновите текстови ќе ги добивате на вашата мејл адреса
Пратеничката на ВМРО-ДПМНЕ, Емилија Трајковска, ги отфрла обвинувањата на социјалните мрежи и на некои портали дека ги прекршила здравствените протоколи за носење на маска и социјална дистанца, и присуствувала на партиски состанок, со што го загрозила здравјето на сопартијците и на своите најблиски.
Таа тврди дека фотoграфиите што се споделени се од крводарителска акција од јуни минатата година.
„Во врска со објавените слики на одредени социјални медиуми, а во насока на правилно информирање на јавноста дозволете ми да ве известам дека на 19.06.2019 година Унијата на жени на ВМРО ДПМНЕ ОК КУМАНОВО, чиј што претседател бев јас, организираше крводарителска акција во просториите на штабот „Томбола“ во Куманово. Истите слики се злоупотребени и објавени на фб страни, лични профили и други социјални мрежи за настан што е организиран минатата година и тоа исклучиво за политички цели на неколку дена пред стартот на кампањата за Парламентарните избори. Упатувам посебен повик до социјалдемократите во Куманово во услови кога сме исправени пред предизвикот за заштита на здравјето на секој еден наш сограѓанин, да покажат вистинска грижа за граѓаните и да ги заштитат од лажни вести“, - соопштува пратеничката Трајковска.