Лицата со оштетен слух на републички шаховски турнир

Овој турнир е традиционален и се одржува секоја година во организација на Сојузот на глуви и наглуви на Македонија.

Ќе учествуваат наши сограѓани кои навистина се добри играчи. Долги години се занимаваат со шах. Вообичаено секој петок во нашите простории лицата со оштетен слух се собираат, се дружат и играат шах. Турнирот е со натпреварувачки карактер и ќе бидат прогласени најдобрите - велат од Здружението на глуви и наглуви Куманово.

На турнирот ќе учествуваат лица со оштетен слух од повеќе македонски градови.