Лидија Тасевска нов директор на “Перо Наков“

Таа е професор по македонски јазик и досега работеше во Гимназијата “Гоце Делчев“. Доаѓа на местото на Момчило Антевски, чиј мандат заврши. Тасевска најавува новини во работењето, пред се аплицирање на странски донации за реновирање на училиштето и популаризирање на текстилно - кожарските струки.

“Како директор ќе се трудам, иако е добар, да ги подобрам имиџот и изгледот на училиштето. За струките кои се помалку атрактивни и нема многу интерес од учениците ќе се обидеме со колегите, кои ги предаваат предметите, да ги истакнеме предностите на овие професии. Знаеме дека Куманово е град со кожарска традиција и овој факт ќе го искористиме за поголема промоција на училиштето. Ќе се обидеме да привлечеме странски донатори, за замена на старите прозорци и подот“ - изјави Тасевска.

Новата директорка вели дека ќе настојуваат да имаат добра соработка со стопанствениците во градот, училиштата и институциите.