Малите и микро претпријатија да се пријават за проект на УСАИД
До крајот на декември траат уписите во проектот на УСАИД за микро и мали претпријатија, кофинансиран од Владата на Швајцарија, имплементиран од Центарот за развој на претприемачи и менаџери (ЦЕЕД) Македонија.
Претприемачи, менаџери и сопственици на бизниси од нашиот регион можат да станат дел од проектот, кој го поддржува растот на претприемачите и нивните микро и мали претпријатија преку размена на искуства, советувања, поддршка при извозот и инвестиции.
Проектот е наменет за перспективни менаџери и претприемачи, сопственици на микро и мали бизниси, со цел да им се овозможи пристап до нови знаења, експертиза и алатки за успех во бизнисот. Проектот се спроведува низ три компоненти: програма за претприемачи, услуги за бизнис поддршка и приватен капитал, квази капитал и бизнис ангели.
Можат да се пријават сопствениците или менаџерите на микро и мали претпријатија, кои имаат до 50 вработени, имаат потенцијал за раст, извоз и можности за креирање на нови работни места.
Повеќе информации заинтересираните можат да најдат на www.ceed-macedonia.org.
НАЈНОВИ
-
Ја расклопувал воздушната пушка и несакајќи си го повредил синот со дијабола
-
Oдбележaн 80 - годишниот јубилеј на ОУ „Кочо Рацин“
-
Детското одделение во Кумановската болница доби донација од „Бучен Козјак“
-
Во тек е исплата на образовниот додаток за третиот период за учебната 2024/2025 година
-
ЖРК Куманово ја заврши сезоната на 4 место
-
Државна матура ќе полагаат 929 ученици од Куманово
