Матурантите полагаат екстерно тестирање
Започна екстерното тестирање на матурантите во Куманово.
Во дел од средните училишта се пожалија дека имале проблеми со симнувањето на тестовите, поради што екстерното малку доцнеше.
„Имаме мал технички проблем. Денеска кај нас се тестираат 123 матуранти и ќе имаат еден час за да ги одговорат прашањата. Се работи за 30 прашања“- кажа Горан Димитријевиќ, директор на „Гоце Делчев“.
Полагањето ќе го следат и претставници од Државниот просветен инспекторат.
„Денеска екстерно полагаат матурантите. Секој ученик полага различен предмет. Ние сме подготвени, учениците се дојдени и ќе се тестираат 63 матуранти“-вели Весна Трајковска, директорка на „Киро Бурназ“.
Од „Перо Наков“ потврдуваат дека кај нив екстерното тече нормално и дека ќе се тестираат 145 ученици на македонски јазик и 21 на албански јазик.
Од техничкото училиште „Наце Буѓони“ објаснуваат дека имале мали проблеми со тестовите, а тестови ќе решаваат 171 ученик на македонски јазик.
Екстерното тестирање ќе го полагаат 19.931 матуранти на ниво на држава, според податоците од Државниот испитен центар.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
