Зачленете се во нашиот клуб на читатели и најновите текстови ќе ги добивате на вашата мејл адреса
Директорот на ЈП“Водовод“, Виктор Божиновски очекува премиерот и ресорните министри да извршат притисок врз раководството на Водостопанство за го пуштат стариот вод т.н бај пас и да се обезбеди вода во повисоките зони.
Божиновски вели дека 20% од жителите на Куманово имаат проблеми со низок притисок или вода добиваат во вечерните часови. Како критични точки се наведуваат село Черкезе, населбата Перо Чичо, дел од населбата Карпош. Директорот на ЈП“Водовод“ вели дека ако има добра волја проблемот може да се реши за 45 минути. На високи температури потрошувачката за вода се зголемува и дотурот од 140 литри во секунда е неопходен.
Јавно ги повикувам луѓето вработени во Водостопанство да ги преземат потребните мерки и да го пуштат бај пас водот. Сите заедно да излеземе од од оваа агонија. Денеска во Куманово ќе дојде заменик министерот за земјоделство Зоран Коњановски на разговор и се надеваме дека ќе изврши притисок за да се реши водоснабдувањето. Водостопанство е претпријатие во надлежност на Владата - рече Божиновски.
За споредба лани бас пас водот е пуштен на 1 април, а годинава се доцни. Божиновски не верува дека водот е хаварисан, и вели дека Унијата на жени на ВМРО - ДПМНЕ не е повикана да зборува на оваа тема.
Зачленете се во нашиот клуб на читатели и најновите текстови ќе ги добивате на вашата мејл адреса
