Младите ќе маршираат во знакот на хуманоста

На нивните облеки ќе стои знакот на Црвен крст. Целта е кај луѓето да се разбуди чувството на хуманост.

И годинава ќе биде исценирана сообраќајна несреќа, а волонтерите ќе симулираат како правилно се укажува прва помош. Потоа ќе има хепенинг, а на плоштадот ќе бидат поставени штандови каде ќе има брошури со информации за работата на Црвениот крст.

На настанот ќе бидат присутни 40 наши волонтери и плус уште 50 деца од сите албански и македонски училишта во градот. Сите кои сакаат да придонесат за општеството можат да се приклучат на нашата организација, независно од возраста. Собрани се 10.000 денари од граѓани како добротворен прилог и се направени 20 пакетчиња кои до крајот на неделава ќе бидат поделени на сиромашни семејства, инвалиди, загрозени граѓани. Не е многу, но сепак се трудиме, и тоа е некаква помош  - изјави Шпејтиме Исени, координатор за социјална дејност во Црвен крст.

“Младите се на потег“ е мотото со кое годинава настапува Црвениот крст. Огранокот на оваа организација во Куманово дејствува повеќе од 30 години.