Зачленете се во нашиот клуб на читатели и најновите текстови ќе ги добивате на вашата мејл адреса
Од јануари до септември годинава, во Куманово се регистрирани 17 нови случаи на семејно насилство, покажуваат податоците на Меѓуопштинскиот центар за социјални работи Куманово.
“Ако се направи споредба со 2013 година, за истиот период бројот на евидентирани случаи е намален за 32 отсто во 2014 година„ - вели Марјан Гијовски, портпарол на Министерство за труд и социјална политика.
Жените жртви на насилство се од различни возрасни групи, со или без деца. Тие се малтретирани од сопрузите кои честопати се алкохоличари, поради љубомора и нарушени семејни односи. Во случај на насилство жените, насилниците ги пријавуваат во полиција и во Центар за социјални работи.
Иако бројот на новорегистрирани случаи на семејно насилство во Куманово е намален во однос на минатата година, се смета дека бројката не е реална, бидејќи поголем дел од жените немаат храброст да пријават и со години трпат психичка и физичка тортура без никој да знае.
Зачленете се во нашиот клуб на читатели и најновите текстови ќе ги добивате на вашата мејл адреса
