Зачленете се во нашиот клуб на читатели и најновите текстови ќе ги добивате на вашата мејл адреса
Во изминатото деноноќие во кумановско наврнаа 29 литри дожд на метар квадратен.
Нивното на реките Пчиња и Кумановка е минимално зголемено во последните два дена, но излевања нема.
- Обилни врнежи во изминативе 24 часа имаше во северните делови на земјата. За споредба, во Тетово наврнаа 33 литри, во Маврово 27, Пожаране 26, Зајчев Рид во Скопје 24, Штип 21, Берово 20, 17 во Крива Паланка, Виница и Лазарополе, во Кавадарци 8, Крушево 7, Битола 1 литар. Денеска поинтензивни врнежи ќе има во јужните и југоисточните делови на Македонија - вели Лена Јовановска, дежурен синоптичар во УХМР.
Од таму додаваат дека локално на места ќе има поројни врнежи од дожд проследени со невреме, електрични празнења и услови за град.