Од први јануари цената на струјата ќе се зголеми од 0.68 до 2.24 отсто

Во првиот блок струјата ќе поскапи за 0,68%, во вториот блок за 0, 90%, за корисниците во третиот блок 1,93% и за најголемите потрошувачи на струја од четвртиот блок за 2,24 проценти.

Со тоа, ако сметката за струја на едно семејство во првиот блок сега е 2.000 денари, од први јануари ќе биде зголемена за 13,6 денари.

Претседателот на Регулатроната комисија за енергетика Марко Бислимоски кажа дека ЕВН Хоум на почетокот на месецот доставила одлука со која бара цената на струјата за домаќинствата да се зголеми за 4,4 проценти.

„Ова нивно барање е коригирано со цел да се заштити стандардот на граѓаните и да не се предизвика голем ценовен шок“, вели Бислимоски.