Зачленете се во нашиот клуб на читатели и најновите текстови ќе ги добивате на вашата мејл адреса
Во Основниот суд Куманово, денеска се одложи судскиот процес против Миодраг Јовановиќ, градоначалник на општина Старо Нагоричане, обвинет дека во април мината година прегазил пешак со службеното возило и не му укажал помош.
Повредениот Срѓан Лазаревски, по десетина дена почина на скопската клиника. На денешното рочиште приговор на обдукцискиот наод поднела одбраната на обвинетиот. Судијата што го води процесот процени дека е неопходно да ги повика и вештите лица од судска медицина што го изготвиле наодот, а потребно е појаснување на сообраќајно техничкото вештачење од СВР Куманово во кое непрецизно било дефинирано движењето на автомобилот и на жртвата. На предходните две рочишта градоначалникот Јовановиќ го негираше делото.
Зачленете се во нашиот клуб на читатели и најновите текстови ќе ги добивате на вашата мејл адреса
