Општините да се подготват за обилните дождови

Според информаците од УХМР, во наредните денови под влијание на серија влажни бранови од Медитеранот се очекува врнежи на дожд и над 40 л/м2. Пообилни врнежи ќе има во северозападниот дел на земјата, а на повисоките планини и повремен снег.

Координативното тело за управување со кризи упатува препораки до ЕЛС и Градоначалниците, ДЗС, ЦУК, ЕВН АРМ и МВР.

На координативниот состанок во Министертвото биле утврдени следниве препораки: градоначалниците да ги стават на готовност сите расположливи ресурси и да ги мобилизираат кризните штабови и во нив да ги вклучат, претставници од ЦУК, ДЗС и МВР.

Градоначалниците кои имаат потреба од дополнителна помош од технички ресурси да се обратат до Дирекцијата за заштита и спасување и да ги информираат месните заедници за најавената дестабилизација на временските услови,

Потребно е континуирано да се следи водостојот на реките, да се следи и нивото на акумулациите како и ЕЛС да интервенира на мостови каде има опасност од задржување големи наноси од надојдените реки.