Осумнаесетгодишник со голф удрил во пешак, па побегнал

„Несреќата се случила околу 20.30 часот на бул.„Трета македонска ударна бригада“, кога патничко возило „фолксваген голф“ со кумановски регистарски ознаки, управувано од Ш.Р.(18) од село Никуштак, општина Липково, удрило во Е.Р.(21) од Куманово, по што го напуштил местото на настанот“, соопшти МВР. 

Во несреќата со тешки телесни повреди се здобила Е.Р. констатирани во Општата болница Куманово. Извршен бил увид од увидна екипа од СВР Куманово и се работи на расчистување на случајот.