Отворена изложбата “Карпино 2014“

Изложбата се состои од 34 дела, изработени од уметници од Македонија, Србија, Бугарија и Белгија во текот на јули годинава на 12 - та по ред меѓународна ликовна колонија “Карпино 2014“.

“Уметниците инспирацијата ја црпеа од манастирот Карпино, но и од останатите значајни културно - историски знаменитости, манастири и  цркви во кумановско. Да не бевте сите вие ќе ја немаше оваа ликовна колонија цели 12 години “ - рече Зоран Павловски, претседател на Мултимедијален центар Карпино.

Изложбата ја отвори градоначалникот Зоран Дамјановски, кој истакна дека  локалната самоуправа ја негуваат културата и уметноста во Куманово.

„Здружението преку оваа колонија го промовира светилиштето од 16 век, познато како препишувачки центар во тој период. Ова здружение го промовира како културен центар. Куманово е водечка точка на македонското модерно сликарство. Тука се одржуваат четири колонии „ - изјави градоначалникот.

Изложбата “Карпино 2014“ ќе трае две недели,  а потоа ќе биде презентирана и во другите градови во Македонија. На отварањето на изложбата присуствуваше почесниот граѓанин на Куманово, Лоренс Батлер, градоначалници од збратимените градови и многу други љубители на ликвоната уметност.