Отворена изложбата за царските двери во кумановско

Изложбата концепциски е подготвувана неколку месеци и е резултат на три реализирани теренски истражувања. Оваа изложба е прва од ваков тип во Куманово и во земјава.

Изложбата се состои од 34 двери од 33 цркви. Почнувајќи од најстарите од Карпино од 1606 година, дверите од црквата во Сув Орах од крај на 16 и почеток на 17 век, а можеби и се со иста старост со карпинските, тоа точно не се знае, опфатени се двери помеѓу двете светски војни од 1918 до 1940 година. Дверите ги работеле познати зографи како Димитар Андонов Папрадишки, зографи од Галичник, Лазарополе, Куманово - рече авторката.

Изложбата го презентира темелното истражување на дверите во кумановско и  ќе трае десет дена.