Планинарите од „Козјак“ го одбележаа Светскиот ден на планината

По тој повод благодарници беа доделени на учесниците на планинарската школа “Козјак 2015“, на покровителот на клубот Оли Травел, планинар на годината во машка категорија е Бобан Антевски и во женска категорија Жаклина Антевска.

По повод Светскиот ден на планината, во недела на 13 декември на покана на Федерација на планинарски спортови од Македонија, ќе заминеме на Матка заедно со останатите планинари од Македонија, да го одбележиме денот по програма која е подготвена од Федерацијата. Планинарите ќе пешачат и ќе ја посетат пештерата Врело - изјави Мартин Величковски од „Козјак“.

Клубот во 2016 година акцент ќе стави на младите членови, а летен камп треба да се одржи во планинарскиот дом Длабочица под покровителство на Федерација на планинарски спортови.