Поделена помошта што ја собраа децата во градинките

Со акцијата се опфатени 27 семејства.

“Ги опфативме децата од згрижувачките семејства, децата од материјално загрозените семејства, деца кои се во социјален ризик. Околу 60 дечиња добија гардероба и други предмети кои беа наменети за нив. Така ќе продолжиме и понатаму  во заедничка соработка со стручниот тим од градинката“ - изјави Даниел Живачки, директор на Центар за социјални работи Куманово.

Од градинката велат дека акцијата била масовна, траела цела недела, а во неа се вклучиле родителите, вработените и други граѓани кои сакале да помогнат.

“Ова акција имаше едукативен карактер затоа што децата ги учиме на хуманост, чувство да се грижат за другите дечиња кои се нивни врсници, да им подарат нешто од себе. На тој начин се поттикнува чувство на солидарност и помош бидејќи сите деца немаат исти услови за раст и развој“ - вели Лидија Николовска Георгиевска, координатор на акцијата.