Положено цвеќе на Спомен костурница

Почит на загинатите им оддадоа борците, претставници на општината, Советот, политички партии, здруженија, установи и други. Пред присутните се обрати Благе Јакимовски, секретар на Сојуз на борци Куманово.

Ние кумановци важиме за луѓе по шегата, мајтапот, но исто така не краси и бунтовност и нескротлив дух кон неправдата, угнетувањето, ропството, при што нашите предци го искажувале преку разни форми на отпор и незадоволство низ години и векови кое е забележано во нашата историја. Секогаш организирани од напредни и прогресивни сили кумановци ги доживувале и проживувале сите превирувања што се случувале во градот. Преку преземање на разни видови отпор и постојано само докажување и силна желба за достоинствен живот, при што во ниту еден живот не се губела вербата и надежта дека дојде и денот кога Македонија ќе стане слободна дрѓжава - кажа Јакимовски.

За слободно Куманово животот го дале 183 борци и 83 жртви на фашистичкиот терор. На одбележувањето на овој важен датум  освен претставници на збратимените градови, присуствуваа и амбасадорите на Република Словенија, Романија и Црна Гора.