Положено свежо цвеќе пред Спомен куќата на Карпош

Пред бистата на херојот се поклонија делегации од општината, Советот на општина Куманово, Музеј Куманово, АРМ, здруженија на граѓани и други. За ликот и делото на херојот говореше Благе Јакимовски, секретар во Сојуз на борци Куманово. Тодоровски загинал на денешен ден во 1944 година во село Билјача, прешевско.

Карпош е козјачка легенда, кумановскиот командант и народниот херој југословенски од Македонија. Како и секоја година дојдовме овде да му оддадеме почит по повод неговото загинување. НОБ изроди херои од Прилеп Мирче Ацев, Тодор Циповски-Мерџан од Тетово, Кузман Јосифовски-Питу од Кичево, а Куманово го изроди Христијан Тодоровски-Карпош - изјави Јакимовски.

Пред присутните песна со патриотска содржина читаше Зора Ивановска, а со едноминутно молчење им беше оддадена почит на сите загинати борци од НОБ и од 2001 година.

Марија Живачки, историчар од Музеј Куманово рече дека Карпош е значаен лик од нашата историја затоа се борел за слобода на Македонија.

На 12 октомври го означува почетокот на востанието на Македонија и е значаен затоа што до неговото загинување се бореше за слободна Македонија. Неговото дело потоа продолжува. По него командат станува Боро Менков, меѓутоа Х.Т.Карпош е командант на баталјонот Јордан Николов Орце и го даде својот живот за слободна Македонија“-кажа Живачки.

Спомен куќата е влезена во програмата на Министерството за култура и ќе биде реконструирана до крајот на 2016 година.