Поставени новогодишни тезги пред Центарот за култура

Повеќето трговци втор ден се на платото пред Центарот за култура и тука ќе останат до 31 декември, односно до Нова година.

Продаваме новогодишни украси, честитки, лампиони, сијалички, балони. Честитки најмногу се купуваат. Ги купуваат децата за на училиште да си поделат. Луѓето бараат производи, ама пари немаат и тоа е проблем. Малку е послабо од лани - вели Шабан Идиќ, трговец.

Од општина Куманово информираат дека под закуп се нудат 25 унифицирани тезги, а ќе прават и контроли за да нема поставување на диви тезги на оваа локација. Унифицираните дрвени тезги се набавени пред три години и се користат за различни манифестации во градот.