Потребни 300 заменски наставници за Липково

Сите училишта во општина Липково, со исклучок на Гимназијата “Исмет Јашари“ која не е зачленета во синдикат, се во штрајк.

“Доставен е список до градоначалникот, за да се даде согласност за заменски наставници. Додека трае штрајкот, наставниците одат на работа и седат во своите канцеларии. Има реакции од родителите кои бараат да се прекине штрајкот и барањата на професорите да се решаваат со разговор. Тоа не го направиле колективно, туку индивидуално сметаат дека децата треба да продолжат со настава“ - рече Џевдет Рахмани, одговорен за образование во општина Липково.

Од вторникот просветните работници во општините Куманово и Липково почнаа со штрајк,  со барања за укинување на казните од екстерно и зголемување на платите за 25 отсто.