Повредениот кумановец во Авганистан сe опоравува

Во нападот два шрапнели му ги повредиле левата надлактица и рамето, поради што му биле извршени неколку операции.

Двапати му ја оперирале раката во воената болница во Кандахар, а вчера од рамото му ги извадиле преостанатите шрапнели. Треба да му направат и пластична операција на рамото. Се слушнавме вчера по телефон и ни рече дека се чувствува добро, но ние нема да се смириме се додека не го видиме- велат со солзи во очите родителите на Тони.

Вознемирени и во шок од тоа што се случило, велат дека за немилоит настан во неделата наутро ги известил претставник од фирмата Дајн Корп, преку која Тони заминал во Авганистан.

Автобусот што го управувал Тони целосно бил изрешетан, а тој и покрај повредата и со дупнати гуми успејал да излезе од престрелката и да ги спаси патниците од сигурна смрт-раскажуваат родителите.

 Тони како шофер во базата Ледарнек работел две години, а неодамна го продолжил договорот за уште една година.

Во минатонеделниот напад на талибанците во базата каде престојувал британскиот принц Хари, покрај кумановецот повредени биле и 6 американски војници, а двајца маринци загинале.