Празници се ближат, елки се купуваат

Продавачите велат дека оваа сезона најбарани се малите елки затоа што се поефтини.

 “Дневно продавам по 5 - 6 елки, претежно се со големина од 60 и 90 цм. Цените се зависно од големината и квалитетот, и се движат од 150 до 1000 денари. Поголемите елки ги има по продавници. Како што нема пари народот, сепак сум задоволен од продажбата“ - вели Мухамед Камберовски, продавач на пазарчето на плоштадот.

Во продавниците велат дека најголема еуфорија има една недела пред Нова година и тогаш најмногу се купуваат елки.

„ Продажбата е послабо од лани, но сепак сме задоволни. Купуваат украси за аранжирање во канцеларии и домови. Малите елки со сијалички се 500 денари“ - кажуваат продавачите.

Граѓаните повеќе купуваат вештачки одколку природни елки, бидејќи ги користат по неколку години.