Зачленете се во нашиот клуб на читатели и најновите текстови ќе ги добивате на вашата мејл адреса
Борци, поранешни градоначалници, претставници од МВР, армиски и полициски ветерани, денеска беа на прием во општина Куманово по повод утрешниот празник 11 Ноември - Денот на ослободувањето на градот.
Градоначалникот Зоран Дамјановски на борците им додели благодарници итакнувајќи дека тие се најзаслужни за ослободувањето на Куманово. Ги запозна со агендата на активности кои ќе следат во овие два дена за одбележување на 70 години слободно Куманово. На приемот беше присутен и почесниот граѓанин на Куманово, Лоренс Батлер.
“Ќе биде драг гостин на Куманово, човекот што направи многу во периодот кога беше воената криза. Кога имаше опасност за подлабоки конфликти Куманово остане град на толеранција, разбирање, соживот и почитување на различности. Благодарам од мое име, од име на кумановци за тоа што го направивте за нашиот град и за Република Македонија“ - рече градоначалниокот.
Лоренс Батлер го честиташе празникот на борците и граѓаните.
“Слава на борците. Татко ми бил офицер и загинал во Виетнам. Ја поздравувам вашата работа и ви посакувам успех“ - рече Батлер.
Борците објаснија дека многу млади се вклучиле во НОБ и се горди на ослободувањето на Куманово.
“На 15 и пол години станав борец. Месец дена сум била во заробенички раце на Германците, во приватен стан. Го паметам ослободувањето на повеќе градови, но на ослободувањето на Куманово“ - вели Царевка Виличиќ, борец.
На приемот присуствуваа поранешните градоначалници Слободан Ковачевски, Благе Кипријановски и Бајрам Сулејмани.
Зачленете се во нашиот клуб на читатели и најновите текстови ќе ги добивате на вашата мејл адреса
