Привршува аплицирањето за електронски здравствени картички

Во Куманово досега се изработени и предадени на корисниците 32.348 електронски картички, а во изработка се 19.765 картички.

Јас и сопругот уште на 29 април подигнавме електронски здравствени картички. Се надеваме дека ќе бидат едноставни за употреба, дека ќе биде полесно отколку со старите книшки - вели Снежана Ѓуревска.

Пензионерите први почнаа старите здравствени книшки да ги заменуваат со електронски картички и поголем дел од нив ги подигнаа картичките.

Имаме поднесено барање, а сега сопругот отиде да провери дали се готови картичките. Ние сме двајца и очекуваме од октомври да почнеме да ги користиме кога одиме на лекар. Сите блиски, роднини, пријатели вадат здравствени електронски картички - рече Мердие Мустафовска.

Електронски здравствени картички мора да извадат сите невработени лица, пензионери, вработени во приватни фирми.