Зачленете се во нашиот клуб на читатели и најновите текстови ќе ги добивате на вашата мејл адреса
Комисија за проценка на штети трет ден е на терен за да ги утврди штетите настанати од невремето кое пред десетина дена ја зафати општина Старо Нагоричане.
Тие прво ги посетиле најпогодените села, а до крајот на неделата ќе се сумираат податоците и ќе се знае колкави се штетите.
- Тричлената комисија составена од луѓе вработени во општинската администрација ги посети прво селата каде има најголеми штети како Младо Нагоричане, Старо Нагоричане, Драгоманце, Стрновац, Челопек и Жегљане. Ќе се направи извештај за штетата без разлика дали е тоа на житни, други култури, откорнати ќерамиди, откриени покриви и таа информација градоначалникот ќе ја проследи до Владата за обештетување - велат од општина Старо Нагоричане.
Невремето проследено со град ги уништи посевите, пластениците, откорна дрвја и откри куќи во селата во општина Старо Нагоричане.
Зачленете се во нашиот клуб на читатели и најновите текстови ќе ги добивате на вашата мејл адреса
