Зачленете се во нашиот клуб на читатели и најновите текстови ќе ги добивате на вашата мејл адреса
Интензивно се работи на гасификацијата во Куманово, поради тоа што е економски исплатлива и придонесува за еколошки чиста животна средина, тврдат од ЈП Куманово-гас.
Во Куманово досега се гасифицирани 12 установи, училишта, библиотеката и седиштето на ЕВН. Во објектите кои се гасифицирани трошоците за греење се намалени за 40 отсто.
“Се прави котлара во “Перо Наков“ и “Кочо Рацин“. Правиме подготовки за црквите “Света Троица“ и “Свети Никола“, навлегуваме во населба Гоце Делчев, во изградба е мрежа на улиците “Иго Тричковиќ“ и „Живко Чало“. Наскоро ќе се гасифицира и првата станбена зграда “ - вели Драган Петровски, директор на “Куманово - гас“.
Петровски појасни дека законската регулатива за приклучоци е сложена и дивоградба не може да биде приклучена на гасоводна мрежа.