Промовирано ново тело за борба против корупција

Станува збор за ново тело, со цел да воспостави координација помеѓу сите клучни институции: Државната комисија за спречување на корупција, Министерството за внатрешни работи, Јавното обвинителство, Финансиската полиција, Управата за јавни приходи, Царинската управа, Министерството за правда, Министерството за финансии и други.

„Овие институции веќе имаат надлежности. Она што им недостасува е: координација, храброст и одговорност. Ова тело мора да биде местото каде што информациите се споделуваат навремено. Каде што никој не премолчува. Каде што се преземаат иницијативи, се следат случаи и се бараат резултати.Ќе бидам најгласниот поддржувач на ова тело, но и негов најголем критичар – ако не дава резултати, се разбира.Ова не е борба на една Влада. Ова е борба на целото општество. И затоа ги повикувам сите – граѓаните, медиумите, невладиниот сектор, бизнисот – да бидат дел од овој процес“, кажа премиерот Христијан Мицковски на промоцијата.