Прослава на Свети Сава во „Вук Караџиќ“
Во основното училиште „Вук Караџиќ“ денеска беше организирана пригодна програма за одбележување на празникот Свети Сава.
Учениците читаа творби за ликот и делото на светецот, а беше прикажан и краток филм за Свети Сава. Активностите беа презентирани пред учениците од основното училиште „Наим Фрашери“, родители и гости.
Организираме скромна приредба во која учествуваат ученици од 1 до 9 одделение, по претходно распишан конкурс на тема „Животот и делото на Свети Сава“. Ликовен и литературен конкурс имавме. Голем број ученици подготвија свои творби коишто беа наградени од управата на училиштето - рече Надица Петровска, директорка на „Вук Караџиќ„.
За вложениот труд и постигнатите резултати на конкурсот, учениците добија благодарници.
Голем број ученици се одзваа на ликовниот и литературниот конкурс. Имавме голем број ликовни и литературни творби. На нашите наставници им беше тешко да се одлучат кои ученици ќе добијат 1,2,3 место - изјави Тања Петрушевска, професор по македонски јазик.
На приредбата учениците ја слушнаа и химната за Свети Сава. Во ова училиште настава следат околу двесте деца.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
