Работилница за деца „Недовршена приказна“ во Центарот за култура

Во Центарот за култура „Трајко Прокопиев“ Куманово, утре со почеток во 11 часот ќе се одржи работилница за деца „Недовршена приказна“ под раководство на авторката Бистра Георгиева и илустраторката Катерина Николовска.

Работилницата е наменета за деца од четврто и петто одделение. Треба да ја поттикне детската фантазија, да станат ко-автори на една приказна, заеднички создадена со писателката Бистра Георгиева и илустраторката Катерина Тери Николовска.

Бистра Георгиева е автор на повеќе наградувани сликовници.   Катерина Тери Николовска е графички дизајнер и илустратор на повеќе дела.

Работилницата е дел од Годишната литературна програма на Центарот за култура, поддржана од Министерство за култура и туризам.