Расте интересот за изучување германски јазик

Велат дека луѓе од сите возрасти го учат германскиот јазик, со намера да се вработат или преселат во иднина во Германија. Овој тренд во Куманово е присутен последниве 2-3 години.

Се зголемува бројот на ученици кои учат германски. Германскиот јазик го зборуваат 80 милиони луѓе во Германија, но и во делови од Швајцарија и Австрија. Луѓето учат германски за да бараат работа во Германија. Паралелно интерес има и за англискиот јазик, кој е интернационален и неопходно е да се знае“-велат од приватно училиште за јазици.

Бобан Ѓорѓиевски, професор по странски јазици вели дека другите јазици се маргинализирани во последно време, а германскиот станува доминантен.

Возрасните учат јазик чисто од потреба, од интерес, за да најдат работа во странство. Во Германија се бараат лекари, таму е поплатено. Англискиот претежно го учат децата, иако во последно време родителите ги тераат да учат и германски јазик. Сега имаме за 50 отсто помалку возрасни кои учат англиски за разлика од порано - рече Ѓорѓиевски.

Францускиот, италијанскиот, албанскиот јазик се поретко се изучуваат во училиштата за странски јазици во градот.