Зачленете се во нашиот клуб на читатели и најновите текстови ќе ги добивате на вашата мејл адреса
Основното училиште “Браќа Миладиновци“ денеска е домаќин на 31- от регионален натпревар по математика, на кој учествуваат ученици од основните училишта од четврто до осмо одделение од Куманово, Кратово и Старо Нагоричане.
На натпреварот учествуваа вкупно 186 ученика. Има 15 училишта кои учествуваат со своја екипа, а бројноста на екипата зависи од развиеноста на училиштето. Ние имаме огромен потенцијал на ученици. Правиме и дополнителни часови, имаме поволни резултати. Поготово од нашиот регион секогаш сме застапени на републички натпревари. Се наоѓаме во училиште чии ученици се сопственици на медали од олимпијади - рече Даниела Стојановска, професор по математика во ОУ“Христијан Карпош“.
Најдобрите ќе бидат наградени, а ќе го претставуваат училиштето на републички натпревар и на Олимпијадата на математичари.
Регионалниот натпревар по математика секоја година се одржува во последна недела од март. Натпреварот е подржан од Сојуз на математичари на Македонија. На натпреварот има ученици од македонска и од албанска националност. Нашето училиште секоја година учествува на овој натпревар со голем број на ученици и редовно постигнуваме високи резултати. Еден од тие пласмани е минатогодишниот сребрен медал на Олимпијада на математичари, како и прво место на државен натпревар по математика - изјави Дафина Јосимовска, професор по математика во ОУ „Браќа Миладиновци„.
Резултатите од натпреварувањето ќе бидат познати попладнево.
Зачленете се во нашиот клуб на читатели и најновите текстови ќе ги добивате на вашата мејл адреса
