Шаховски турнир во чест на Карпош
Во клубот на армиски и полициски ветерани денеска се одржува традиционален шаховски турнир во чест на загинувањето на херојот Христијан Тодоровски Карпош.
Во шах се натпреваруваат екипи од Здружението на армиски и полициски ветерани, МВР, АРМ, Црвен Крст и Здружението на пензионери Куманово. По завршување на турнирот најдобрите ќе добијат дипломи и благодарници.
Турнирот секогаш се одржува пред 7 февруари, денот кога е загинат Карпош. Четворомеч е, за победниците се обезбедени благодарници. Секако дека има добри играчи. Тие не се професионалци, меѓутоа има квалитетни тимови. Ова е трета година како го правиме турнирот, а има и возвратни турнири каде ние учествуваме - изјави Киро Соларски, организационен секретар во Здружението на армиски и полициски ветерани.
Карпош загинал на 7 февруари 1944 година во село Билјача, прешевско. На 29 јули следната година е прогласен за народен херој.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
